කොළඹ හා කළුතර වෙඩි තැබීම් - දෙදෙනෙකු ඝාතනය වේ

colombo-and-kalutara-shootings---two-killed

පැය කිහිපයක් ඇතුළත මෙරට ප්‍රදේශ දෙකකින් වාර්තා වූ වෙඩි තැබීමේ සිද්ධීන් දෙකකින් පුද්ගලයින් දෙදෙනෙකු ජීවිතක්ෂයට පත්ව තවත් තිදෙනෙකු තුවාල ලබා තිබේ. අද (14) දිනයේදී කොළඹ සහ කළුතර යන ප්‍රදේශ කේන්ද්‍ර කරගනිමින් මෙම අපරාධයන් සිදුව ඇති බව ශ්‍රී ලංකා පොලීසිය තහවුරු කරයි.

කොළඹ, ජින්තුපිටිය වරකා හන්දිය ප්‍රදේශයේ පිහිටි රූපලාවන්‍යාගාරයක් තුළදී ඉන් එක් වෙඩි තැබීමක් වාර්තා වී ඇත. යතුරුපැදියකින් පැමිණි නාඳුනන තුවක්කුකරුවන් දෙදෙනෙකු විසින් ටී-56 (T56) වර්ගයේ ගිනි අවියක් භාවිත කරමින් අද පස්වරුවේ මෙම ප්‍රහාරය එල්ල කර තිබේ. එම අවස්ථාවේදී වෙඩි ප්‍රහාරයට ලක්වූ එක් පුද්ගලයෙකු මියගොස් ඇති අතර, තවත් පුද්ගලයින් තිදෙනෙකු තුවාල ලබා ප්‍රතිකාර සඳහා කොළඹ ජාතික රෝහල වෙත ඇතුළත් කර ඇත.

මේ අතර, අද රාත්‍රී 7.45ත් 8.00ත් අතර කාලයේදී කළුතර උතුර, මාඩිය මංකඩ (වාඩිය මංකඩ) ප්‍රදේශයේදී ද තවත් වෙඩි තැබීමක් සිදුව තිබේ. එහිදී ද යතුරුපැදියකින් පැමිණි පුද්ගලයින් දෙදෙනෙකු විසින් මෙම ප්‍රහාරය දියත් කර ඇති බවට තොරතුරු වාර්තා වේ. වෙඩි වැදීමෙන් බරපතළ තුවාල ලැබූ 32 හැවිරිදි පුද්ගලයෙකු කඩිනමින් කළුතර ශික්ෂණ රෝහල වෙත ඇතුළත් කිරීමට පියවර ගෙන තිබුණද, ප්‍රතිකාර ලබමින් සිටියදී ඔහු ජීවිතක්ෂයට පත්ව ඇත.

𝔾𝕠𝕤𝕤𝕚𝕡 𝕃𝕒𝕟𝕜𝕒 ℕ𝕖𝕨𝕤 :(2008-2026)✉️ editor@gossiplankanews.com ꜱʜᴀʀᴇ ᴡɪᴛʜ: ගොසිප් ලංකා ප්‍රවෘත්ති WhatsApp ඔස්සේ ලබාගැනීමට මෙතැනින් සමූහයට එක්වන්න ʀᴇᴄᴏᴍᴇɴᴅᴇᴅ ʀᴇᴄᴇɴᴛ ɴᴇᴡꜱ Recent Posts 8/recent/post-list 5/recent2/post-list 5/recent3/post-list 5/recent4/post-list Search Footer Menu Widget